* بصصوا
أنا فيه كلام كتير ليا ع الورق ، وهنا ، و ف ملفي ، وفيه كلام أكتر بكتير كمان جوّاياا !
ف بعيدا عن العربية الفصصحى و الشعر العامّي ؛ اللي هككتبه هنا دا مكس كدا من نفسي
أول حاجة عايزة أقولها هي عبارة عن مشكلة موجودة حوليّ أنا شخصياً
مشكلة التعامل مع الأم و الأب -و الأهل كلهم عموما- . موضوع خنقة مش كدا؟ هو عشانه خنقةة أنا هكتبه
اللي متعارف عليه ف مجتمعنا ان الواحد اللي ابن ناس و كويس و شاطر هو اللي يقول ل أبوه و أمه : حاضر و نعم و طيب 24\7
واللي برا البيت 24\7 وعكس الكلام اللي فوق دا هو عبارة عن كائن عبء وفاشل 100%
رأيي أنا ف الموضوع .. خليكك ف النص !! طبعاا معظمم الناس الكبار هتقول ف نفسها دا لازم بر الوالدين و دي حاجةة موجودة ف القرآن والكلام دا. كلامكم فوق راسي ي حضرات ، بس مش كل حاجة الأم والأب بيبئوا عارفينها ! انت المطلوب منك انك تربي ابنك بشكل انه يقدر يواجه الناس اللي هيقابلهم *ف زماانهه*. يعني ايه؟ يعني زي م سيدنا علي بن أبو طالب قال ان متربوش عيالكم ع الطريقة اللي تربيتوا بيها. يعني بكل وضوح و اختصصاارر : كل زمان وله آدان!
هحكيلكم قصصتي :
أنا من وأنا صغيرة اتربيت ف مدينة صغيرة كدا ف الغربيةة ، ل أم فنانةة و ل أب مهندس. المهم ، بابا من واحنا صغيرين كان يربينا على جدول الضرب وكان بيعلمنا حاجات كتييرر من قبل م ندخل المدرسة. ودا كويس! كبرت واتربيت ع الاجتهاد والدرجات العالية لحد م الحمدلله بقيت أطلع من الأوائل. وكان في بنت كدا ف صفي دايما تحقد وتغار مني. كبرت ونقلنا عنواننا للحتةة اللي البنت دي ساكنة فيها. البنت دي بئت جارتي وبئت هي وشلّتها *اللي سمعتهم مش كويسة* يقربوا مني! وأنَا مكنتشش مرتاحة أبداا ليهم! وقتها كنت أنا ف سنة الشهادة الاعداديةة .. كانت ليّ شخصيتي القوية بين صحباتي كلهمم وبين صفي. وبنات كتير كانوا مععجبين بيّ وبأسلوبي. لكن البنت اللي بحكيلكم عنها دي مكنش فيه بيني وبينهاا ااي ححاااججةة خخاالصص.
بعدين بئا اهلي واهلها بدأوا يتعرفوا على بعض، وماما اندمجت مع جيراننا كلهمم وقالولي صاحبي البنت دي، وكانو دايما يدفعوني ويججبرووني عليهاا، ولما كانت تدق بابنا ومرضاش اطلع عيلتي تفضل تقلي "انتي وحيدة كدا ليهه!! لازم تطلعي معاهم ومتبئيش مغرورة ومتعاليةة عليهم". وأناا مشش ككدا خخالصص والله!
المهم حصل اللي حصل وبدأت سمعتي تتشوه، وبدل م كنت عباارة عن *ححلمم* للبنت دي بئت تتعود عليّ وتعمل حركات غبيةة تدل على حقدهاا، وتحاول تشوه صورتي قدام كل النّااسس ! وبدأ مستواي الدراسيّ ينزل وينزل وينزل لحد م بئي تححت بمعنى *تحت* دلوئتي! والبنت دي بدأت هي اللي تطلع فوق وتستمد ذكائها ومعلوماتها مني! وساعات كتيرر كنت بعيط ع اللّي حصل دا وأحاول أستوعبهه. واللي كان بيخنقني ان محدش من عيلتي كان بيقف معايا لأنهم ككانوا مغرومين بالبنت دي *مش عارفة على ايه*!
ف النهاية اححب اقول : خليلك مبادئك وابني عليها حياتكك وامش ف الطريق اللي انت عايزه -طالما انت راضي ربك ونفسك- ومتسمحش لأي ححد مهمماا كاان انه يخترلك صحابك، او مدرستك، او مستقبلك لأن الحاجات دي بتاعتك انت!! وانت اللي تتحكم بيها عشان انت اللي هتكون مسؤول عنها ومحدش تاني هيدفع تمن اختياراتك غيرك انت!
* وسلاماتكمم :)<3
-آسسفةة ع التطوييل-
ليست هناك تعليقات:
إرسال تعليق